اسف في جيتي لك تسرعت....

آسف في جيتي لك تسرعت
ظنيت آلآقي فيك شي فقدته
كنت أحسبك مجروح مثلي تولعت
جربت فرقى شخص مثلي وهنته
كنت أحسبك من مر جرحك تجرعت
حبيت فيك إحساس طفل لهجته
لو قلت آه بوسط روحي توجعت
لو شفت دمعاتك شعوري سكبته
ولو تطلب عيوني ابد ماتمنعت
وأعطيك قلبي ولو بعد ماطلبته
وصلت بك أعلى مكان وتربعت
وفي قلب غيري يالغضى ماوصلته
وأصبر على صدك وأشوفك تدلعت
وأعطيك ود وماظنك حسبته
أذهلتني بأطباعك اللي تطبعت
حتى قصيدي فيك أبد مافهمته
لو كان غاياتك جروحي فأنا بعت
وأفرح بجرح الشاعر اللي جرحته
وأرجوك من صدك تراني تشبعت
خلك مع اللي عاجبك أو عجبته
يكفي قهر في جيتي لك تواضعت
تركت غيرك لجل عينك وبعته
ياليتني عن حب مثلك ترفعت
ياليت قلبي قبل أعرفك دفنته
لكن أببعد دامني بك توهقت
والله يرحم حبنا اللي ذبحته
أنا شريت الود واللحين أنا بعت
وأنا عطيتك قلبي اللي قهرته
كمّل حياتك مثل ما أنا توقعت
تبقى أسير الماضي اللي فرضته
لايحزنك أني تناسيت وتراجعت
حولك بدالي ألف شخص عجبته
يريحك من شوفتي يوم قاطعت
أسلوبك اللي به تجاهل كرهته
غلطان يالمقفي أنا ماتتبعت
غيري يتابع خطوتي ماتتبعته
ماينحني راسي لو إني تقطعت
وماهو أنا من لا رميته لقطته
أستسمحك فالبعد كاني تراجعت
ماعاد ابلقى فيك شي فقدته
طبعك مثل غيرك وطبعي كما كنت
أحب شخص ولا تركته تركته